"Tangiang Hamauliateon"

1 Tawarik 17:16-27

Tangiang,ima bagian naso boi sirang siang ngolu ni halak kristen.Minggu sadarion,Rogate,lapatanna:Martangiang.Tangiang ima komunikasi timbal balik ta dohot Debata.Marhite tangiang hita terhubung tu Debata marhite Tuhan Jesus.Alani i ndang boi mansohot manang marsangasanga manang kondisional (ala ni kondisi tertentu) hita martangiang.Alai ingkon torus do.Songon nidok ni si Paulus di 1 Tesalonika 5: 17"Manontong ma martangiang...."

Turpuk on ma tangiang ni Raja Daud,dung masuk poti parpadanan tu bagasan undung-undung na di Jerusalem.Hundul ma ibana disi laos martangiang.adong piga hal parsiajaranta sian tangiang niraja Daud.

• Molo ro si Daud tu undung-undung i,lapatanna;hira na pa adop-adop bohi do ibana dohot Debata.Ido na martangiang,pa adop bohi,tanpa perantara,tanpa batas,lumobi dung ro Jesus mambola"hire-hire parholangan" ala ni dosa i,jala naung mambahen pardameanta tu Debata,nungga boi be hita pa adop adop bohi,berhubungan langsung tu Debata,hundul ibana di adopan ni Debata,ima tanda ni hasolhoton.songon ido na martangiang.manghatahatai dohot Debata songon na maraleale,songon anak tu natorasna,nang pe songon i dang boi rambuse manang sembarangan ingkon tong do dibagasan hatomanon,akrab tetapi hormat.
• Sikap martangiang;ima ingkon dibagasan serep niroha."Tung ise ma ahu pola,ale Jahowa Debatangku jala tung ise mapola anggo pinomparhu".sungkun-sungkun na patuduhon haresepon ni rohana na sumalin naeng dohononna disi:sumalin do burjuM tu ahu dohot pinomparhu hape dilehon ho hagabeon,hamoraon dohot hasangapon tu ahu dohot pinomparhu,sudena i holan ala denggan ni basaM do Tuhan.Ima hatorukan ni roha nang Tuhan Jesus pe dipaingot do hita,di na martangiang hita,unang dipatimbo timbo dirina jala dipaboaboa kehebatan ni nabinahenna di jolo ni Debata songon Farise,alai molo martangiang dipaunduk ma rohana,disolsoli angka dosa songon si jalo Debata ala ni dosana,ido dijalo Debata.Songon ima sepatutnya hita martangiang,dibagasan toruk,unduk dohot serep ni roha.
• Martangiang tu alamat na sintong,ima Debata.Ido dibahen si Daud"Ale Jahowa,ndang adong nanggo sada tudoshon Ho,jala ndang adong Debata dungkon ni Ho"patuduhon,molo mangido hita,ingkon tangkas do tandaon ise inganan pangidoan i,boi do mangalehon manang ndang?songon ido namartangiang,ingkon jolo tangkas jo haporseaonta,ise do alamat ni tangiangta i,boi do mangalehon manang ndang.alai laos ingotonta do adong 3 cara ni Debata mangalusi tangiangta
• Aha do sipangidoonta,tu Debata? Di ayat 23 didok:Antong ale Jahowa,sai pahot ma hata naung pinarabagabagami tu naposom taringot tu pinomparna sahat ro di salelenglengna jala bahen ma hombar tu na pinarbagabagaMi"Sipangidoonta,ima angka naung binaga bagahon ni Debata.Godang do bagabaga ni Debata di Bibel,taharingkothon ma manjaha dohot asa manangihon i,ima tapangido ditangiangta lumobi di situasi nuaeng on,angka baga-baga ni Debata tu hita jolma dohot portibion,pasautonna doi, molo tapangido dibagasan unduk serep niroha,alai taingot,ndang na managih janji hita tu Debata,sada naringkot ingotonta dang hea lupa Debata di janjiNa.Donganan ni Debata do hita saleleng di portibion hita,ido didok Jesus di na manaek tu banua ginjang.Ima pos ni rohanta na tongtong sosial distancing ala ni Covid 19,diramoti Tuhan ta ma hita saluhutna,hipas be ma hita,gomos ma hita mameop baga-bagaNa i Amen...

Pdt.Haposan Manalu(Pdt Resort Pangaribuan)

Pangaribuan,17 Mei 2020