Rappak do nasida mangaluhon ulaon i dibagasan sada ni roha dohot ias ni roha mandongan las ni roha. nang pe piga-piga sian nasida nungga adong naung mar-oppu ni aha alani naung matua, alai dang gabe pangambati di nasida lao rap mangulahon ulaon i. Marbagi ma nasida di akka siulaon, Adong na paturehon parapian,paherbang amaktiar, patajomhon piso, manucci piring/galas dohot akka ragam ni ulaon. Dang adong tarida di nasida na marsipabali-balian, manang marungut-ungut alai tung ulido idaon di kerjasama nasida i. Dang pola sadia leleng nai nungga rade be sude dibahen nasida.
Dung jumpang tikkina lao marsipanganon,rap huddul ma nasida di amaktiar naung diparade ni halak inanta boru Dongoran (Nai Celsi). Rap do nasida dohot amang Pandita, ima halak amang Hutagalung. Pittor sigap do halak amanta ama Yessi Nainggolan,Ama Given Pakpahan,Ama Ezer Pakpahan rap dohot ama Paulina padalanhon parburian,indahan,ikkau mangan dohot akka siinumon. Dung singkop sude dapotan,dipatupa amang Op Berkat Tambunan ma tangiang mangan. Tung mansai tabo do idaon sipanganon i di pangan nasida. Dung sippul mangan,sahat ma tikkina lao marhata sidenggan-denggan.
Dung diaturhon partonding ni ulaon i,dipukka nasida ma marhata sidenggan-denggan.
Parjolo ma sian amang Oppu Ricard Pakpahan,songon na mewakili anggota naung senior. Dipasahat amang ido hamuliateon ni roha na tu Tuhan i ala boi dope marpungu rap dohot punguan parende Ama, jala manghirim do amang i,asa lam tu dengganna punguan on tu joloan ni ari, lam marbungaran mambaritahon hata ni Debata.Jala dihalashon rohana do akka anggota naumposo na boi rap marsaor di punguan on, jala dilehon do semangat tu nasida.”Selagi boi dope hami sehat,rap dope hami dohot hamuna di punguanta on,marsiharaharaan hita lao padimundimun punguantaon,asa boi gabe parjamita na metmet hita di akka nahumaliangta” ima didok amang na sian huta sipegepegeon.
Namangihut ditabbai ma hata i muse sian Oppu Eklesia Nainggolan nasian huta Pulo Tanjung. Songon na dokdok jala tungki do panghilaaon ni amang i di nalao pasahathon hatana,ala marningot ma amang i holan sasadasa na ma tinggal anggota ni punguan i uju di pajongjong nasida punguan on opat pulu lima taon na salpu. Alai manghirim dope amang i di punguan on torus ma nian jongjong lao mamaritahon hata ni Debata marhite akka ende puji-pujian si patariashonon ni punguan i.”rap ma hita lao padimun-dimun jala paturehon punguanta on,Akka naumposo lam dipataridahon ma haringgason lao marguru,molo hami akka namatua,holan paihut-ihut nama hami sian pudi” ima dipasahat amang naung hea mangalehon seragam kemeja tu punguan i. Jala dipasahat do muse pandapotna ,ima taringot tu sangkap patupahon ulang tahun ni pungunan koor ama on na pa opat pulu lima taonhon di tanggal tolu bulan Agustus di taon on.
Manimpuli mandok hata dipasahat ma muse partingkion tu ketua,ima halak ama Paulina Pakpahan. didok amang i asa marsitogutoguan hita di punguantaon, jala mandok, mauliate tu akka amang anggota namatua naung mambeta-beta akka naumposo gabe rap tu punguan on. ”Marningot hami naujui,hamu do manogihon hami masuk tu punguan on,alani sotung ditinggalhon hamu hami,saleleng boi dope rap hita huddul,boi hamu margogo,pangidoan nami,ikkon rap do hita di punguan i” ima didok amang na mangulahon ulaon songon uluan ni huria gabe parhangir di huria i. Jala dipasahat do pangidoan tu Tuhan i, asa anggiat ditambai Tuhan di punguan on,hasadaon ni roha,ditabbai akka pasu-pasunai marhite hahipason,dohot di akka tiur ni pancarian dohot di akka keluarga, ianangkon na hasea tu joloan on. Manghirim do amang i anggiat di akka anggota naposo boi songon nasida,naung adong deba mar oppu ni aha,isara na songon Op Nunut Pakpahan,Op Dian Pakpahan,Op Kristina Pakpahan,Op Berkat Tambunan,Op Eldera Parapat dohot akka na asing dope. Diakka iananghon naung tuk umurna marhasohotan,tumibu dipasahat Tuhan na lao sirongkap ni tondina,di namangalului parkarejoan,tumibu dipatongon Tuhan nalao dalan ni ngoluna tu ari nanaeng ro.
Ulaon i disimpuli ma dohot tangiang panutup na binoanton ni amang pandita Maringan Hutagalung.
Selamat Taon Baru ma di hita sude Anggota Punguan Koor Ama GKPI Pakpahan,Debatama na mangaramoti Huhut Mamasu-masu hita....Horas
Galeri Photo
 |
| Kunjungan tu GKPI Tukka Sibolga |
 |
.jpg)
.png)
.jpg)
